Twitter musiqi servisini istifadəyə verdi
|
|
AgahMedia.Com informasiya portalının Rabitə və İnformasiya Texnologiyaları Nazirliyinin rəsmi saytına istinadən məlumatına görə, “Twitter” mikrobloqlar servisi istifadəçinin abunəçi siyahısı əsasında musiqi təqdim edən Twitter#music musiqi servisini istifadəyə verib.
Lenta.ru bildirir ki, proqramın interfeysi “Populyar”, “Populyarlaşmaqda olan”, “Tövsiyə olunan” və “Hazırda səsləndirilən” kimi dörd tab-vərəqəni nəzərdə tutur. Onların ilk ikisi Twitter-in istifadəçiləri tərəfindən hansı musiqi və ifaçıların tez-tez sadalandığını göstərir. “Tövsiyə olunan” tab-vərəqəsi istifadəçinin dostlarının və Twitter-də oxuduğu müğənnilərin dinlədikləri musiqini tövsiyə edir. “Hazırda səsləndirilən” bölmə dostlar tərəfindən #NowPlaying heşteqi ilə yerləşdirilən musiqiləri nümayiş etdirir.
Twitter #music iTunes, Rdio və Spotify musiqi servisləri ilə inteqrasiya edilib.
Əlavədən hələlik yalnız iOS əməliyyat sistemi əsasında işləyən qurğular və music.twitter.com saytından veb-versiya şəklində yararlanmaq mümkündür.
Twitter #music servisi şirkətin bir neçə müddət əvvəl satın aldığı “We Are Hunted” musiqi portalı əsasında hazırlanıb.
Ucuz təyyarə biletləri və sərfəli otellər burda... ⇒
Sərfəli qiymətlərə satılıq evlər, torpaqlar və obyektlər ... ⇒
