Xocalı soyqırımı ilə bağlı İsveç parlamentinin qarşısında aksiya təşkil olundu

Hər il olduğu kimi bu il də dünyanın müxtəlif ölkələrində Xocalı soyqırımı ilə bağlı tədbir və aksiyalar keçirilir. Bu silsilədən olan növbəti aksiya Stokholmda İsveç parlamentinin qarşısında təşkil olunub. AgahMedia.Com informasiya portalının İctimai TV-yə istinadən məlumatına görə, 2 saat davam edən aksiyaya qatılan 200-dən çox insan arasında Azərbaycan icmaları ilə yanaşı, İraq türkmənləri, Türk İşçi Dərnəkləri Federasıyaları, isveç-uyğur maarifləndirmə cəmiyyəti və digər icmaların nümayəndələri də olub. Danimarkada yaşayan azərbaycanlılar da Kopenhagenin mərkəzi meydanı «Radus-plads»da mitinq keçirib. Almaniyanın Maqdeburq şəhərində isə 35 avtomobildən ibarət karvan iki marşrut üzrə şəhərin mərkəzi küçələrində yürüş edib.