Magistraturaya qəbul imtahanının birinci mərhələsinin cavabları məlum oldu

AgahMedia.Com informasiya portalının Tələbə Qəbulu üzrə Dövlət Komissiyasının (TQDK) mətbuat xidmətinə istinadən məlumatına görə, 2013/2014-ci tədris ili üçün ali təhsil müəssisələrinin magistraturalarına martın 3-də keçirilmiş qəbul imtahanının birinci mərhələsinin nəticələri açıqlanıb.
Nəticələr martın 5-də saat 17:15-dən etibarən TQDK-nın internet səhifəsində yerləşdirilmişdir. Hər bir bakalavr TQDK-nın internet saytına daxil olaraq öz cavab katrlarının qrafik təsviri ilə də tanış ola bilər.
Bakalavrlar imtahan nəticələri haqda məlumatı bütün mobil operatorlardan iş nömrəsini 7727-yə SMS-lə göndərməklə da öyrənə bilərlər.
İmtahanda iştirak etmək üçün 21623 bakalavr qeydiyyatdan keçmişdir. Onlardan 526 nəfər imtahana gəlməmiş, 20 nəfəri isə qaydalara zidd hərəkətlərə yol verdikləri üçün imtahandan xaric olunmuşlar.
İmtahanda 21077 nəfər iştirak etmişdir. İmtahanda ən yüksək nəticə isə 97 bal olmuşdur.