Ledi Qaqa yeni sosial şəbəkə yaratmağı planlaşdırır
|
|
AgahMedia.Com informasiya portalının “ANS PRESS”-ə istinadən məlumatına görə, avanqard geyimləri ilə hamını şoka salan Ledi Qaqa yeni rekorda imza atıb. Belə ki, amerikalı müğəni dostlarının sayı 20 milyonu keçən ilk “Twitter” istifadəçisinə çevrilib. 2-ci yerdə 18 milyon dost ilə müğənni Castin Biber, 3-cü və 4-cü yerlərdə isə müvafiq olaraq 15.7 və 14.5 milyon dostla Ketti Perri və Şakira gəlir.
Başqa Hollivud ulduzlarından fərqli olaraq “Twitter” səhifəsinə şəxsən nəzarət etdiyini və səhifəni tez-tez yenilədiyini deyən Ledi Qaqa, fanatlarının sayını nəzərə alaraq, artıq öz sosial şəbəkəsini yaratmaq niyyətindədir. İnternet şərhçiləri ingilis dilində “Little Monsters, yəni “Balaca Divlər” adlandırılacaq özəl şəbəkənin funksional baxımdan rəsm-paylaşım saytı “Pinterest”ə bənzədiyini bildirir.
Maraqlı faktı da qeyd edək ki, “Twitter”də ən çox dostu olan Ledi Qaqanın digər sosial şəbəkələrdə, o cümlədən “Facebook”da 48 milyon, Google+ şəbəkəsində isə 800 mindən çox fanatı var.
Ucuz təyyarə biletləri və sərfəli otellər burda... ⇒
Sərfəli qiymətlərə satılıq evlər, torpaqlar və obyektlər ... ⇒
