Dünyanın ən nüfuzlu qadınların bu ilki reytinqində Angela Merkel birinci oldu

Amerikanın “Forbes” jurnalı dünyanın ən nüfuzlu qadınlarının siyahısını açıqlayıb. AgahMedia.Com portalının İ TV-yə istinadən məlumatına görə, siyahıya ötən ilin lideri Mişel Obamanı üstələyən Almaniyanın kansleri Angela Merkel başçılıq edir.
100 qadından ibarət siyahının ikincisi ABŞ-ın Dövlət katibi Hillari Klintondur. Üçüncu yerdə Braziliya tarixində ilk qadın prezident olan Dilma Rusefdir.
“PepsiCo” şirkətinin rəhbəri İndra Nuyi 4-cü, “Facebook”-un əməkdaşı Şeril Sandberq dünyanın 5-ci nüfuzlu qadını hesab olunur.
Bill Qeytsin həyat yoldaşı, “Bill & Melinda Gates Foundation“ xeyriyyə təşkilatının rəhbəri Milinda Qeyts siyahıda 6-cı yerdədir. Hindistan Milli Konqresinin lideri Soni Qandi 7-ci, ABŞ-ın birinci xanımı Mişel Obama 8-ci, Beynəlxalq Valyuta Fondunun rəhbəri Kristin Laqard 9-cu, “Kraft Foods” şirkətinin rəhbəri İren Rozenfeld isə 10–cudur.