QHT-lərə Dövlət Dəstəyi Şurası yüksək qrant tutumlu layihələri də maliyyələşdirəcək

“QHT-lərə Dövlət Dəstəyi Şurası yüksək tutumlu layihələrin maliyyələşməsini nəzərdən keçirir”. AgahMedia.Com portalının “Olaylar” informasiya agentliyinə istinadən məlumatına görə, bunu Şuranın 2012-ci il üzrə QHT-lərin maliyyələşməsi üzrə keçirilən müzakirədə Prezident yanında QHT-lərə Dövlət Dəstəyi Şurasının sədri Azay Quliyev deyib. Onun sözlərinə görə, bu kimi layihələrin maliyyələşməsinə yeganə maneə vəsait çatışmamazlığıdır. Şura sədri bu kimi layihələrin maliyyələşməsinin dövlət büdcəsindən Şuraya ayrılan vəsaitin məbləğinin artırılmasından sonra mümkün olacağını bildirib. Onun sözlərinə görə, bu tipli layihələr 50-100 min manatlıq layihələr ola bilər ki, burada assossasiyalar və QHT Koalisiyaları iştirak edə bilərlər.