Karlos Paskual: Avropanın enerji təhlükəsizliyində Azərbaycan və Türkiyənin rolu əvəzedilməzdir

AgahMedia.Com informasiya portalının İctimai TV-yə istinadən məlumatına görə, ABŞ dövlət departamentinin energetika məsələləri üzrə xüsusi nümayəndəsi Karlos Paskual Türkiyə ərazisindən keçən qaz kəmərləri, xüsusən də trans Anadolu qaz kəməri-TANAP layihəsinin Avropa üçün enerji təhlükəsizliyinin təmin edilməsində unikal şans olduğunu deyib. O, bildirib ki, Avropanın enerji təhlükəsizliyinin təmin edilməsində Azərbaycan və Türkiyənin rolu bundan sonra da əvəzedilməzdir. Xatırladaq ki, TANAP layihəsi Türkiyənin şərq sərhədindən ölkənin qərb sərhədinə qədər qaz kəmərinin tikintisini nəzərdə tutur. Həmin kəmərlə Azərbaycan qazı “Şahdəniz” yatağından Türkiyə vasitəsilə Avropaya gətiriləcək.