Gürcüstana gedən turistlərin sayına görə 2-ci yeri azərbaycanlılar tutur

AgahMedia.Com informasiya portalının AzərTAc -a istinadən məlumatına görə, 2014-cü ilin əvvəlindən Gürcüstana 1 milyon 566 min 646 turist gedib ki, bu da ötən ilin göstəricisi ilə müqayisədə 12 faiz çoxdur.

2014-cü ilin yanvar-avqust aylarının göstəricilərinə görə, Gürcüstanın dövlət sərhədindən 3 milyon 685 min 834 əcnəbi vətəndaş keçib. Bu da ötən ilin eyni dövrünün göstəricisindən 3 faiz çoxdur. 698 min 284 nəfər əcnəbi Gürcüstandan tranzitlə keçib.

Gürcüstana gələnlərin çoxu Türkiyə vətəndaşları olub. Bu siyahıda ikinci yeri Azərbaycan vətəndaşları tutur. Daha sonra Rusiyanın, Avropa İttifaqı ölkələrinin və digər dövlətlərin vətəndaşları gəlir.