Forbes dərgisi ən çox pul qazanan məşhur cütlüklərin adlarını açıqladı

Məşhur “Forbes” dərgisi növbəti dəfə dünyada ən çox pul qazanan məşhur cütlüklərin siyahısını dərc edib. AgahMedia.Com informasiya portalının məlumatına görə, dərginin bu siyahısında ilk yerə illik 95 milyon dollar gəlirlə müğənni Beyons və onun həyat yoldaşı Cey Z sahiblənib.Reytinqin 2-ci pilləsində 80 milyon dollar gəlirlə amerikalı futbolçu Tom Bredi və onun model olan xanımı Cisel Bunçenq qərarlaşıb. Ancelina Coli və Bred Pitt cütlüyü isə, illik 50 milyon dollar gəlirlə siyahıda 3-cü olub. İllik 35 milyon dollar gəlirlə Ukrayna əsilli aktrisa Mila Kunis və Eşton Kutçer siyahıda 4-cü, Kim Kardaşyan və Kenyi Uest cütlüyü isə 30 milyon dollarla 5-ci olublar.