Azərbaycanda əmək müqavilələri elektronlaşdırılacaq, əmək kitabçaları isə ləğv olunacaq
|
Bundan sonra ölkəmizdə əmək kitabçalarına ehtiyac qalmayacaq. Çünki, yaxın vaxtlarda Azərbaycanda elektron müqavilələrin rəsmləşdirilməsinin elektron sisteminin tətbiqinə başlanacaq. AgahMedia.Com informasiya portalının İctimai TV-yə istinadən məlumatına görə,bu barədə məlumat verən Əmək və əhalinin sosial müdafiəsi naziri Səlim Müslümov deyib ki, artıq lazımi proqram təminatları hazırdır. İcra hakimiyyəti orqanları ilə razılaşdırma mərhələsində olan qaydaların işlənməsi də başa çatdırılıb. “Bu sistemin tətbiqi ilə Azərbaycanda əmək kitabçaları ləğv ediləcək. Bu, bütün sivill dünyada hamı tərəfindən qəbul edilən praktikadır ki, onun çərçivəsində əmək kitabçalarının yerini elektron bildirişlər tutacaq. İşə qəbul və əmək müqavilələrinin hazırlanması real vaxt rejimində və elektron formada daxil olacaq.”
Ucuz təyyarə biletləri və sərfəli otellər burda... ⇒
Sərfəli qiymətlərə satılıq evlər, torpaqlar və obyektlər ... ⇒