Home » Biznes sfera və iqtisadiyyat, Sosial, Ümumi » Gənclər üçün yeni ipoteka şərtləri hazırlanıb

Gənclər üçün yeni ipoteka şərtləri hazırlanıb

AgahMedia.Com informasiya portalının “ANS PRESS”-ə istinadən məlumatına görə, Gənclər və İdman Nazirliyinin rəhbərliyi ilə hazırlanan və artıq İpoteka Fonduna göndərilən təkliflərdə yeni ipoteka şərtlərinin əvvəlkindən fərqi 35 yox, 29 yaşa qədər olan gənclərə şamil olunmasıdır. Belə ki, bu təkliflərə görə yeni ipoteka şərtləri gənc ailələrə deyil, məhz gənclərə şamil olunacaq. Gənclər Təşkilatları Milli Şurasının sədri və millət vəkili Fuad Muradovun sözlərinə görə, təklif olunan qanunvericilikdə ipoteka şərtləri gənclərin mövcud imkanları nəzərə alınmaqla müəyyənləşib. Apardığımız sorğulardan isə aydın olur ki, gənclər ilk növbədə işsizlik problemi ilə üzləşir. Bunun ardınca digər problemlər sıralanır.
Gənc ailələr üçün nəzərdə tutulmuş qanunvericilikdən fərqli olaraq yeni ipoteka təklifində gənclərin fərdi şəkildə də ipoteka şərtlərindən faydalanmasına imkan yaradılacaq. Belə ki, yaşı 29-a qədər olan hər hansı gənc aşağı faizlə və güzəştli şərtlərlə ev ala biləcək. Bu kimi güzəştli şərtlər ilk növbədə beynəlxalq müsabiqələrdə yer tutanlara şamil olunacaq.
Təkliflər toplusu artıq Nazirlər Kabinetinə göndərilib və yaxın zamanda qanunun qəbul olunması gözlənilir. Tətbiqinə isə 2013-cü ildən başlanması nəzərdə tutulur.

Sizin paylaşım ve yorumlarınız (şərhləriniz) AgahMedia.Com portalı için önemlidir!...

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

*