“Facebook” 20 dəqiqəlik fasiləyə görə yarım milyon dollar itirdi

Sentyabrın 4-nə keçən gecə “Facebook”da 20 dəqiqə davam edən növbəti fasilənin yaranmasını dünyanın əksər ölkələrinin istifadəçiləri hiss edib. AgahMedia.Com informasiya portalının Mincom.gov.az saytına istinadən məlumatına görə, bu barədə internet saytlarının iş statusunu izləyən “DownForEveryoneOrJustMe” servisinin məlumatında deyilir.
Belə ki, ötən gecə sosial şəbəkədən Rusiya, ABŞ, Tailand, Böyük Britaniya, Almaniya və digər ölkələrdə istifadə qeyri-mümkün olub. Problemlər “Facebook”un həm fərdi kompüterlər, həm də mobil əlavələr versiyalarında qeydə alınıb.

Bundan başqa, istifadəçilər sosial şəbəkəyə məxsus “Instagram” fotoservisinin işində də fasilələrin yaranması ilə üzləşib.
Gecədən xeyli ötmüş servislərin fəaliyyəti ABŞ, Rusiya və bir sıra digər ölkələrdə bərpa olunub. Bununla yanaşı, qeyd edilir ki, “Facebook”un işi bəzi ölkələrdə tam bərpa edilməyib.
“Facebook”un 2014-cü ilin ikinci rübündə mədaxilinin 2,91 milyard dollar təşkil etməsini nəzərə almaqla şirkət orta hesabla dünya miqyasında işində yaranan bir dəqiqəlik fasiləyə görə 22,5 min dollar itirir. Beləliklə, dünən yaranan 20 dəqiqəlik fasilə sosial şəbəkənin təxminən yarım milyon dollar itirməsinə səbəb olub. “Facebook” nümayəndələri budəfəki fasilənin səbəblərini hələ ki şərh etməyib.

Lenta.ru resursu xəbər verir ki, “Facebook”un fəaliyyətində may, iyun və avqustda fasilələr qeydə alınıb. Sosial şəbəkədən hər ay 1,32 milyard istifadəçi istifadə etdiyi bildirilir.

Bu kontentin portalımızda yayınladığı tarix : 05/09/2014

Ucuz təyyarə biletləri və sərfəli otellər burda... ⇒

Sərfəli qiymətlərə satılıq evlər, torpaqlar və obyektlər ... ⇒