Bank olmayan kredit təşkilatlarının sayında artım qeydə alınıb
|
|
AgahMedia.Com portalının Mərkəzi Bankdan aldığı məlumata görə, 2011-ci il iyul ayının 1-nə bank əməliyyatları aparmaq üçün 158 kredit təşkilatının lisenziyası olmuşdur. Bunlardan 114-ü bank olmayan kredit təşkilatlarıdır.1 iyul 2011-ci il tarixinə respublikada 44 bankın lisenziyası olmuşdur ki, onlardan 1-i dövlət, 43-ü isə özəl bankdır. Xarici kapitalın iştirakı ilə 22 bank fəaliyyət göstərmişdir. Xarici kapital 7 bankın nizamnamə kapitalının 50%-dən 100%-ə qədərini, 13 bankın nizamnamə kapitalının isə 50%-dən az olan hissəsini təşkil edir. Xarici bankların yerli filiallarının sayı isə 2-yə bərabərdir.
Fəaliyyətdə olan bankların yerli filiallarının sayı 650-yə bərabər olub. Bunların 38-i dövlət, 612-si isə özəl bankların payına düşür. Yerli filialları olan bankların sayı 39-a, bank şöbələrinin sayı isə 128-ə bərabərdir. Bankların xaricdə fəaliyyət göstərən strukturlarının sayı 8-ə bərabərdir. Bunlardan 5-i nümayəndəlik, 2-si törəmə bank, digəri isə filialdır.
Ucuz təyyarə biletləri və sərfəli otellər burda... ⇒
Sərfəli qiymətlərə satılıq evlər, torpaqlar və obyektlər ... ⇒
