Bakı Dövlət Universitetində dövlət imtahanı və diplom müdafiəsi ilə ilgili yeniliklər edildi

Bakı Dövlət Universitetində tələbələrin dövlət imtahanı və diplom müdafiəsi ilə ilgili yeniliklər edilib. AgahMedia.Com informasiya portalının İctimai TV-yə istinadən məlumatına görə, ali məktəbdən bildirilib ki, universitetin rektoru bu məsələ ilə bağlı müvafiq əmr imzalayıb. Əmrə əsasən, orta balı 81 və daha yuxarı olan və təhsil aldığı müddət ərzində yalnız A, B və C qiymətləri almış tələbələr dövlət imtahanından azaddırlar. Onlar yalnız diplom müdafiəsi edəcəklər.Orta balı 81-dən az olan tələbələr isə dövlət imtahanı verəcəklər və onlar diplom işləri müdafiəsindən azaddırlar. Onlar komissiya qarşısına çıxmayacaqlar. Bu tələbələr sadəcə, diplom işlərini kafedralara təhvil verməlidirlər.