Azərbaycanda elektron ticarət dövriyyəsində növbəti artım qeydə alındı

AgahMedia.Com informasiya portalının Dövlət Statistika Komitəsindən aldığı məlumata görə,bu ilin ilk ayında elektron pərakəndə ticarət dövriyyəsinin həcmi ötən ilin yanvar ayına nisbətən 1,5 dəfə artaraq 864,9 min manat təşkil edib.

Əhali onlayn rejimində sifariş verdikləri istehlak mallarının 92,8 faizini hüquqi şəxslərin, 7,2 faizini fərdi sahibkarların ticarət şəbəkələrindən alıb. Elektron ticarət dövriyyəsinin 96,0 faizini qeyri-ərzaq malları təşkil edib.
2015-ci ilin yanvar ayında ictimai iaşə dövriyyəsinin həcmi keçən ilin eyni dövrü ilə müqayisədə 13,2 faiz artaraq 71,3 milyon manat olmuşdur. Hüquqi şəxslərin iaşə obyektlərində dövriyyənin həcmi 1,7 faiz, bu sahədə fəaliyyət göstərən fərdi sahibkarların subyektlərində isə 24,0 faiz artıb.