Azərbaycan bankları iri İT layihələrinin maliyyələşdirilməsinə başladılar

Azərbaycan Rabitə və Yüksək Texnologiyalar Nazirliyi yanında İnformasiya Texnologiyalarının İnkişafı Dövlət Fondunun xətti ilə banklar tərəfindən sahibkarlara kreditlərin verilməsinə başlanılb.
AgahMedia.Com informasiya portalının Rabitə və Yüksək Texnologiyalar Nazirliyininə istinadən məlumatına görə, artıq fondun xətti ilə “GoldenPay” və “Enginet” şirkətlərinə kreditlər ayrılıb. Belə ki, “GoldenPay” şirkətinə onlayn ödəniş sisteminin inkişafı üçün “PashaBank” tərəfindən 400 min manat həcmində güzəştli kredit ayrılıb. “Enginet” şirkətinə isə Respublika Bankı tərəfindən internet xidmətlərinin təşkili və müasir texnologiyaların tətbiqi ilə şəbəkəsinin genişləndirilməsi üçün 500 min manat həcmində güzəştli kredit verilib.