Sorğuda ilk yeri Xarici İşlər Nazirliyinin mətbuat xidməti qazandı

Söz Azadlığını Müdafiə Fondu rəy sorğusu keçirib. AgahMedia.Com portalının “Media forum”a istinadən məlumatına görə, 500 media təmsilçisi arasında sorguda “İnformasiyanın ötürülməsində operativliyi hansı mətbuat xidmətlərində müşahidə edirsiniz” sualı da qoyulub.
Respondentlər ilk üçlüyə 12,6%-lə XİN-i, 6,2%-lə ARDNŞ-ni, 5,8 %-lə Rabitə və İnformasiya Texnologiyaları Nazirliyinin mətbuat xidmətlərini layiq görüblər.

“Konkret olaraq 2010-cu ildə hansı dövlət orqanlarının mətbuat xidmətinin fəaliyyətini qənaətbəxş hesab etdiniz” sualının cavabında isə birinci üçlüyü 15,1 %-lə XİN, 9,3 %-lə ARDNŞ, 8,2 %-lə TQDK qazanıb.