Bakı 2015-ci ildə rusiyalıların ən çox səyahət etdikləri şəhərlər onluğunda yer alıb

Rusiyanın Travel.ru internet resursu bu il rusiyalı turistlərin istirahət üçün hansı istiqamətlərə üstünlük verdiyini araşdırıb. AgahMedia.Com informasiya portalının İTV -yə istinadən məlumatına görə, Bakı rusiyalıların ən çox səyahət etdikləri şəhərlər onluğuna daxil edilib.
Reytinq turizm agentliklərinə müracit etmədən, sərbəst səyahət edən rusiyalıların 2015-ci ildə bron etdikləri otellərlə bağlı məlumatlar əsasında tərtib edilib. İlk onluğa Bakı ilə yanaşı Minsk, Kiyev, Almatı, Astana, Bişkek, Daşkənd, Kişinyov və MDB ölkələrinin digər şəhərləri də daxildir.
Travel.ru bildirir ki, rusiyalı turistlər Bakıda ötelə günü təxminən 78 dollar sərf ediblər. Minskdə bu məbləğ 73 dollar, Kiyevdə 87 dollar, Almatıda 84 dollar olub.
Yay mövsümünün yekunlarına görə, Nabran kurort qəsəbəsi rusiyalıların bu yay istirahət etdikləri yerlər siyahısında ilk beşliyə daxildir.

MDB ölkələrinin ən bahalı paytaxtı Astana (günü 115 dollar), qiymət baxımından ən sərfəli paytaxtı isə Bişkek (günü 30 dollar) hesab edilib.