Home » Biznes sfera və iqtisadiyyat, Bölgələr, Siyasət, Sosial, Ümumi » Prezidentdən icra başçılarına xəbərdarlıq mesajı…

Prezidentdən icra başçılarına xəbərdarlıq mesajı…

“Kim vəzifənin öhdəsindən gələ bilmirsə, işdən kənarlaşdırılacaq”. AgahMedia.Com informasiya portalının “ANS PRESS”ə istinadən məlumatına görə, bunu Nazirlər Kabinetinin iclasındakı çıxışında Azərbaycan prezidenti İlham Əliyev deyib.

Prezident deyib ki, bir neçə dəfə rayonlarda sənaye zonalarının yaradılması ilə bağlı məsələ qaldırıb. Ancaq indi bir pilot layihəsi icra edilir, Neftçala rayonunda. “Başqa rayonlarda niyə bunlar icra edilmir? Çünki biganəlik göstərirlər, buna yol vermək olmaz. Ona görə hər bir icra başçısının vəzifəsi bundan ibarətdir”.

İ.Əliyev qeyd edib ki, sənaye istehsalı istiqamətində çox ciddi iş aparılmalıdır. Texnoparklar, sənaye klasterləri yaradılmalıdır. “Bütün regionlarda sənaye zonaları yaradılmalıdır. Bu məsələ ilə bağlı mən əvvəlki müşavirələrdə də öz fikirlərimi bildirmişdim. İstəyirəm bu istiqamətdə işlər daha da sürətlə getsin ki, biz artıq nəticələri görək. Çünki artıq neçə vaxtdır ki, biz bu barədə danışırıq, işlər gedir, amma hələ nəticələr yoxdur. Burada mərkəzi icra orqanları, bu sahəyə cavabdehlik daşıyan orqanlar və xüsusilə, yerli icra orqanları da fəal işləməlidirlər, təşəbbüs göstərməlidirlər”.

Dövlət başçısı icra orqanlarının oturub mərkəzdən göstəriş gözləməməli olduğunu deyib. Onun sözlərinə görə, bu onların gündəlik işidir. Hər bir rayonun iqtisadi və sənaye potensialı güclənməlidir. Buna imkanlar var. Ancaq bizim əksər rayonlarımız dotasiya ilə yaşayır.

“Əvvəlki illərdə biz buna, necə deyərlər, göz yuma bilərdik. Böyük gəlirlərimiz var idi və bu dotasiyaları biz verirdik. Ancaq nə üçün bizim rayonlarımız dotasiya ilə işləməlidirlər? Onlar özləri iqtisadi cəhətdən daha səmərəli işləsələr, bütün xərclərini bağlaya bilərlər. Amma gözləyirlər ki, bunlara nə qədər vəsait ayrılacaq. Onsuz da vəsait ayrılır. Bax, dövlət hesabına yollar, qaz xətləri, su xətləri çəkilir, hətta sayğaclar da qoyulur. Hansı ölkədə dövlət hesabına sayğaclar qoyulur?”

Dövlət başçısı onların qarşısına vəzifə də qoyub – hər rübdə bir dəfə görülən işlərlə, açılan yeni iş yerləri ilə, açılan müəssisələrlə bağlı məlumat versinlər.

Nazirlər Kabinetinin iclasında çıxış edən prezident deyib ki, bu il struktur islahatları aparılmalıdır. Buna ehtiyac var. Bəzi hallarda bəzi qurumlar bir-birinin fəaliyyətini təkrarlayırlar. Buna yol vermək olmaz.

Bu kontentin portalımızda yayınladığı tarix :

Ucuz təyyarə biletləri və sərfəli otellər burda... ⇒

Sərfəli qiymətlərə satılıq evlər, torpaqlar və obyektlər ... ⇒

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

*