Hamilə qadınlar siqaret testi keçməlidir

AgahMedia.Com portalının BBC-yə istinadən məlumatına görə,Britaniyada Milli Səhiyyə və Klinik Təkmillik İnstitutu hesab edir ki, bütün hamilə qadınlar siqaret testindən keçməli və lazım gələrsə onlara bu adəti tərgitmək barədə məsləhət verilməlidir.

Lakin mamaçalar bu təklifi tənqid edərək, qadınlarda “günahkarlıq” hissinin yaranacağı haqda xəbərdarlıq ediblər. Lakin Milli İnstitut deyir ki, təklifin məqsədi siqaret çəkən qadınları cəzalandırmaq yox, onlara hamiləlik dövründə siqareti atmaqda yardım etməkdir. “Hamiləlik dövründə siqaret qadınların və bətndəki uşaqların həyatını böyük risk altına qoymuş olur. Bu həm yaxın həm də uzaq gələcəkdə uşaqların səhhəti üçün ziyanlıdır” deyir professor Mayk Kelli.