Lerik səmasında uçan naməlum obyekt göründü

Lerik rayonunda Uçan Naməlum Obyekt (UNO) görünüb. AgahMedia.Com portalının SİA-ya istinadən məlumatına görə, hadisə dekabrın 7-də günorta saatlarında qeydə alınıb.

Lerik sakini İnqilab Cabbarlının sözlərinə görə, o, uçan obyektin görüntüsünü mobil telefonun kamerasına çəkməyə müvəffəq olub. Dairəvi formada olan UNO müxtəlif rəngli işıqlar saça-saça bir neçə dəqiqədən sonra gözdən itib.

“Lerik” qəzetinin redaktoru İdris Şükürlü bildirib ki, əvvəllər də Lerik rayonunda bir neçə dəfə UNO-lar müşahidə olunub.