Türkiyəli iş adamı: Cenifer Lopez kimdir? Mən niyə yerimi ona verməliyəm?

AgahMedia.Com informasiya portalının Xəzər TV-yə istinadən məlumatına görə, məşhur müğənni Cenifer Lopez konsert üçün getdiyi İstanbulda alışmadığı vəziyyətlə qarşılaşıb. Cenifer Sultan dairəsində qalmaq istəsə də bir neçə gün öncədən həmin yeri tutan türk iş adamı israrlara rəğmən yerini müğənniyə verməyib. Təşkilatçılar İstanbulda üç gün konsert verəcək Cenifer üçün bir gecəsi 30 min avro olan Çırağan Sarayındakı Sultan dairəsini təşkil etmək istəsələr də iş adamını yola gətirə bilməyiblər.
Onu başqa dairəyə göndərə bilməyən təşkilatçılar iş adamından gözlənilməz cavab alıblar: “Cenifer Lopez kimdir? Mən niyə yerimi ona verməliyəm?”.