Sentyabrın 20-də Bakıda arıçılıq məhsullarının satış yarmarkası keçiriləcək

“Bakı” kinoteatrının yaxınlığında təşkil ediləcək satış yarmarkaya müxtəlif regionlardan olan 800-dək arıçılıq təsərrüfatından məhsullar təqdim olunacaq. AgahMedia.Com portalının İctimai TV-yə istinadən məlumatına görə, nazirlikdən bildiriblər ki, bu il Azərbaycanda bal istehsalı aşağı düşüb. Yeni mövsümdə isə havaların yağışlı və şaxtalı keçməsi arıçılıq təsərrüfatlarına xeyli ziyan vurub. Bu səbəbdən də bu il yarmarkaya çıxarılacaq arıçılıq məhsulları əvvəlki illərdəkindən az olacaq. Buna baxmayaraq satışa çıxarılacaq balın 1 kiloqramının qiyməti 15 manatdan yuxarı olmayacaq.