Belorusiya prezidenti “Eurovision” təşkilatçılarını fırıldaqçılıqda suçladı

“Sən hesabına ən azı 12 xal əlavə edə bilərsən. Bu təkcə müsabiqənin nə qədər siyasiləşdiyini deyil, həm də onun nə qədər saxtalaşdırıldığını da göstərir.” AgahMedia.Com informasiya portalının BBC-yə istinadən məlumatına görə, bu sözləri Belorusiya prezidenti Aleksandr Lukaşenko, ölkəsini Eurovision mahnı müsabiqəsində təmsil edən Alyona Lanskayaya deyib. Belorusiyanın Belta xəbər agentliyi bildirir ki, Aleksandr Lukaşenkonun fikrincə, Eurovision mahnı müsabiqəsində ölkəni təmsil edən Alyona Lanskayanın Rusiyadan bir xal belə almaması müsabiqədə fırıldaqçılıq əlamətidir.Məlumata görə bunu vurğulamaq üçün o, həmçinin Azərbaycanla Rusiya arasındakı qalmaqala da işarə edib.
“Mən qalibi heç nədə suçlamaq, onun rolunu azaltmaq istəmirəm. Danimarkadan qız doğrudan da mükəmməl idi, amma bizim qızımız da eyni dərəcədə mükəmməl idi”, o deyib.
Qeyd eədək ki, “Eurovision-2013” musiqi yarışmasının finalında Belarus 26 iştirakçı arasında 16-cı yer tutub.