London dünyanın ticarət mərkəzi elan edildi

Qeyri-ərzaq məhsullarının ticarət dövriyyəsinə görə dünyada ilk yerdə olan London dünya ticarətinin mərkəzi elan edilib.

AgahMedia.Com portalının İ TV -yə istinadən məlumatına görə, bunu Böyük Britaniyanın pərakəndə satışın öyrənilməsi mərkəzi açıqlayıb. 2010-cu ildə Londonda qeyri-ərzaq məhsulları ilə ticarət dövriyyəsi 64,2 milyard funt sterlinq (103 milyard dollar) olub. O, reytinqdə dünyanın 22 nəhəng şəhərini geridə qoyub. İkinci pillədə Tokio (61,4 milyard funt sterlinq və ya 98 milyard dollar), üçüncü yerdə isə Nyu-York gəlir (75 milyard dollar). 4-cü pillənin sahibi isə Parisdir (74,5 milyard dollar).