“Google” şirkəti “Nexus 7” ni təqdim etdi
|
|
“Google” şirkəti “Apple” şirkətinin “iPad” planşet kompüterinə rəqib ola biləcək öz planşetini təqdim edib. “Nexus 7” adlanan məhsul ABŞ-ın San-Fransisko şəhərində texnologiya-sevərlərə təqdim olunub. AgahMedia.Com informasiya portalının Xəzər TV-yə istinadən məlumatına görə, məxsusi olaraq “Google”un film, musiqi, kitab və digər məzmunların satışı ilə məşğul olan “Google Play” onlayn-mağazası üçün dizaynlaşdırılıb. “Nexus 7” “Google” Android əməliyyat sisteminin “Jelly Bean” adlanan yeni versiyası ilə işləyəcək. 18 santimetr diaqonallı ekrana malik olan “Nexus 7”-nin buraxılışı çoxdan gözlənilirdi. “Nexus 7” “Apple” şirkətinin “iPad” planşet kompüterindən ucuz olduğundan, texnologiya bazarında “iPad”ə uğurlu rəqib olacağı proqnozlaşdırılır. Yeni məhsul satışa iyulun ortalarında çıxarılacaq və qiyməti 199 dollar olacaq.
Ucuz təyyarə biletləri və sərfəli otellər burda... ⇒
Sərfəli qiymətlərə satılıq evlər, torpaqlar və obyektlər ... ⇒
