Home » Beynəlxalq, Biznes sfera və iqtisadiyyat, Ümumi » Bakı-Tbilisi-Qars dəmir yolu 2015-ci ilin ortalarında istifadəyə veriləcək


Ucuz təyyarə biletləri və sərfəli otellər burada …

Bakı-Tbilisi-Qars dəmir yolu 2015-ci ilin ortalarında istifadəyə veriləcək

Azərbaycan və Türkiyəni birləşdirəcək Bakı-Tbilisi-Qars (BTQ) dəmir yolunun yaradılması prosesinin başa çatması 2015-ci ilin ortalarında mümkün olacaq. AgahMedia.Com portalının “Trend” informasiya agentliyinə istinadən məlumatına görə, bu barədə danışan Azərbaycan Nəqliyyat Nazirliyi “Azəryolservis” ASC-nin rəhbəri Cavid Qurbanov bildirib ki, Gürcüstanda hakimiyyət dəyişikliyi və struktur islahatları layihənin reallaşdırılmasında yubanmaların obyektiv səbəbi olub.
ASC rəhbərinin sözlərinə görə, bu, həmçinin Gürcüstan və Türkiyə sərhədində 4,2 kilometrlik dəmir yolunun (2,2 kilometri Türkiyənin ərazisinə düşür) çəkilişi prosesinin yubanmasına gətirib çıxarıb.
Türkiyə ərazisində tunel çəkilişi işlərinin başa çatmasına baxmayaraq, göstərilən obyektiv səbəblər üzündən Gürcüstan ərazisində işlərə bu yaxınlarda başlanılıb və artıq tunelin 70 metri çəkilib.
Ümumilikdə, uzunluğu 180 kilometr təşkil edən Bakı-Tbilisi-Qars dəmiryolunun tikintisi çərçivəsində 100 kilometrlik dəmiryolu xəttinin çəkilişi başa çatıb. Qurbanov bildirib ki, artıq 2014-cü ilin sonunda layihə çərçivəsində Azərbaycandan Gürcüstanın Türkiyə sərhədinədək sınaq teplovozunun buraxılışının həyata keçirilməsi planlaşdırılır.
Azərbaycan və Gürcüstan hökumətləri arasında imzalanan sazişə uyğun olaraq, Azərbaycan Beynəlxalq Bankı vasitəsilə ölkənin Nəqliyyat Nazirliyinə ayrılan vəsait “Marabdi-Kartsaxi dəmiryolu” MMC-yə köçürülüb. MMC Türkiyə ilə sərhəd Marabda dəmiryolu sahəsinin və müvafiq infrastruktur obyektlərin layihələndirilməsi, tikintisi, bərpa edilməsi və istismara verilməsi məqsədilə yaradılıb.
Qeyd edək ki, Bakı-Tbilisi-Qars dəmiryolu Gürcüstan-Azərbaycan-Türkiyə dövlətlərarası saziş əsasında tikilir. Azərbaycan dəmiryolun Gürcustan sahəsinin tikintisi üçün 775 milyon dollar dəyərində kredit ayırıb. Bakı-Tbilisi-Qars layihəsi çərçivəsində 105 kilometr uzunluğunda yeni dəmiryol magistralı xəttinin tikilməsi planlaşdırılır.

Sizin paylaşım ve yorumlarınız (şərhləriniz) AgahMedia.Com portalı için önemlidir!...

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

*