Home » Biznes sfera və iqtisadiyyat, Sosial, Texno, Ümumi » Azərbaycanda ən çox tələbat duyulan elektron xidmətlərin statistikası


Ucuz təyyarə biletləri və sərfəli otellər burada …

Azərbaycanda ən çox tələbat duyulan elektron xidmətlərin statistikası

AgahMedia_Com_Sitesinin_Resim_Albomundan_internet resmi

Təhsil Nazirliyinin “Diplom haqqında məlumatlar” elektron xidməti ilk dəfə “Elektron hökumət” portalı vasitəsilə ən çox istifadə edilən elektron xidmətlərin onluğuna düşüb. 01.01.2014 – 31.01.2014-cü il dövrü ərzində “Elektron hökumət” portalı vasitəsilə ən çox istifadə olunan e-xidmətlərin siyahısında 10-cu yerdə qərarlaşan bu xidmətə 414 müraciət edilib. AgahMedia.Com informasiya portalının Rabitə və İnformasiya Texnologiyaları Nazirliyinin rəsmi saytına istinadən məlumatına görə, 2014-ci ilin ilk onluğunda yer alan digər xidmət təchizatçıları Rabitə və İnformasiya Texnologiyaları Nazirliyi (RİTN), Dövlət Sosial Müdafiə Fondu (DSMF), Ədliyyə Nazirliyi və Daxili İşlər Nazirliyidir. Belə ki, portal vasitəsilə ilin ilk ayında ən çox istifadə edilən elektron xidmət “Telefon nömrəsi üzrə axtarış” xidməti olub və xidmətdən 60821 dəfə istifadə edilib.
Rabitə və İnformasiya Texnologiyaları Nazirliyi (RİTN) tərəfindən təqdim edilən bu xidmətin ardınca portalda birinci ay ərzində ən çox istifadə olunan e-xidmətlərin siyahısında Dövlət Sosial Müdafiə Fondu (DSMF) yer alır. Fondun bu dəfə “Sığortaedənin uçot nömrəsinin öyrənilməsi” xidmətinə tələbat artıb ki, xidmətdən istifadə məqsədilə də 4260 müraciət olub.
Siyahıda növbəti yerlər də Dövlət Sosial Müdafiə Fonduna məxsusdur. Fondun “Pensiya kalkulyatoru” xidmətinə 1597, “Pensiyaçıya məlumatların verilməsi” xidmətinə isə 1583 müraciət edilib. Portalda təqdim etdiyi elektron xidmətlərə görə fəallığı ilə seçilən DSMF-dən sonra “Elektron hökumət” istifadəçilərinin müraciət etdiyi növbəti xidmət Ədliyyə Nazirliyinə aiddir. Nazirliyin “Azərbaycan adları barədə məlumatın verilməsi” elektron xidmətinə bir ayda 870 dəfə müraciət edilib ki, bu xidmət də istifadəçi sayına görə siyahıda 5-ci yeri tutur. Daha əvvəlki siyahıda 7-ci yer almış bu xidmətin ardınca – 6-cı yerdə isə Daxili İşlər Nazirliyinin (DİN) “FİN-ə görə fərdi məlumatların axtarışı” xidməti gəlir ki, bu xidmət üzrə 1 ayda qeydə alınan müraciətlərin sayı da 746-dır. Onluqda növbəti yer də DİN-ə məxsusdur.
Nazirliyin təqdim etdiyi “Yol hərəkəti qaydalarının pozuntusu ilə əlaqədar tətbiq edilən cərimələr və cərimə balları barədə məlumatlar” elektron xidmətinə cari ilin ilk ayında 652 müraciət edilib. Ötən siyahıda olduğu kimi, bu dəfə də 8-ci yerdə qərarlaşan Rabitə və İnformasiya Texnologiyaları Nazirliyinin “Vətəndaşın fərdi məlumatları barədə arayış” xidməti daha çox tələbat duyulan elektron xidmətlərin sırasına daxildir. Bu xidmət üzrə portala edilən müraciətlərin sayı 1 ay üzrə 625-ə çatıb. DSMF tərəfindən təqdim edilən “Sığortaolunanın onlayn uçota alınması” elektron xidməti də onluğun doqquzuncusudur. Bu xidmət üzrə edilən müraciətlərin sayı isə 604-dür. Beləliklə, “Ayın ən çox tələbat duyulan elektron xidmətlər siyahısı”nda cəmi 5 təchizatçının təqdim etdiyi xidmətlər yer alıb ki, bu da digər dövlət qurumları tərəfindən hələ də əhalinin tələbatına uyğun xidmətlərin təklif edilmədiyi anlamına gəlir.
Qeyd edək ki, “Elektron hökumət” saytında təqdim edilən xidmətlərdən ayda təqribən 50 mindən çox insan istifadə edir. Nazirlər Kabinetinin təsdiq etdiyi siyahıdakı 428 xidmətdən 249-u “Elektron hökumət” portalına inteqrasiya edilib. Bu müddət ərzində təxminən 820 mindən artıq xidmət elektron formada əhaliyə göstərilib.

Sizin paylaşım ve yorumlarınız (şərhləriniz) AgahMedia.Com portalı için önemlidir!...

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

*